4 Gozos of Blessed Pedro Calungsod

Music and Lyrics by: Fr. Rudy Villanueva

I:
Imong gimatuod ang pag-alagad
Sugo sa Ginoo giisip mo labaw sa tanan
Ug wala mahinugon sa imohang pagkabatan-on
Bata ug tigulang imong gitudloan
Bisag may hulga sa dugoon nga kamatayon

II:
Didto sa layong dapit mialagad
Gibiyaan nimo tanang butang kanimo mahal
Kang Diego nga misyonero buotan ka nga kaabag
Daghang kalisdanan inyong hiaguman
Tuyo pagsangyaw sa kang Kristo nga kahayag.

REFRAIN 1:
Sulogoon sa katawhan ug sa Dios
Pinasidunggang anak sa kabisay-an
Nanghinaut kining tingog ug kining pinulongan
Imong mahinumduman

Pedro Calungsod, ikaw karon gisangpit
Isip katagilungsod dinhi sa yuta
Ug ingon man sa langit (2x)

III:
Gimahal mo ang mga kabataan
Busa giamoma mo, gibansay mo sa pulong sa Dios
Imong gipanalipdan atubanga'g daghang kaaway
Gibuligan nimo kadtong misyonero
Aron ang simbahan magtuboan sa kanunay

IV:
Gihigugma me lakip ang kaaway
Nga diha kanimo naghimo ug mga pagsulay
Aron malamdagan ug matudloan sa Diosnong kaalam
Nga iyang gihatag aron ipahayag.
Ang iyang gugma ngadto sa tanang kanasuran
(Repeat Refrain 1)

V:
Wa panumbaling ang kulba'g kakapoy
Kay batid sa lakaw, subay'g laraw sa Tawo sa Dios
Ang misyon mitawag ug sa way langay imong giduaw
Way gikahadlokan, Dios ang gisaligan
Ug way hinagiban mikuyog sa inyong panaw.

VI:
Mga hulga sa bangis nga kaaway
Nga gibaliwala nakahaling,sa ilang kasuko
Dios ang gikasilagan ug kamo ang gipahimungtan
Ug wa ka moikyas
Sa pagbangkaw'g pagtigbas
Ang palma sa martir naangkon mo nga timaan.

REFRAIN 2:
Pedro Calungsod, tan-awang mahigugmaon
Ang among mga batan-on
Panalingini usab ang kanilang nagpangga
Sa imong kamot isalig namo karon
Ug sa tanang panahon
Aron ang kabataan nga Pilipinhon
Mahisama kanimo
O pinalangga sa Ginoo.

DOWNLOAD THE MP3 HERE

Uploaded on Youtube by Petite Fleur

Post Comment